اسلام آباد 04 اپریل (اے پی پی)د خارجه دفتر وياند ډاكټر محمد فېصل وئېلي دي د هند لخوا په مقبوضه وادي كښې د شويو بشري حقونو د خلاف ورزيو په اړه به زمونږ سفيران او پارليمنيټيرنز نړيوالې ورورولۍ له بريفنګ وركوي۔تېره ورځ يو شخصي ټي وي چينل سره پھ خبرو كښې ده ووئيل پاكستان به پھ مقبوضه كشمير كښې د اوسېدونكو كشميريانو بنيادي حق خود اراديت غږ پورته كولو لپاره خپل سفيران او پارليمنيټيرينز نورو هېوادونو ته لېږي دغسې چې د مقبوضه كشمير خلقو ته خپل حق ترلاسه شي۔ده ووئيل هند كومې هم نړيواله مېډيا يا فيكټ فائنډنګ مشن له د مقبوضه كشمير تږ اجازه نه وركوي ځكه چې هند ته معلومه ده چې بيا به يې مكروه څيره په ډاګه شي او په مقبوضه كشمير كښې په بې ګناه كشميريانو د هند ظلمونه به ټولو ته معلوم شي۔وياند ووئيل خارجه وزير خواجه محمد آصف د خپل ايران همڅنګ سره ملاقات كړی او او د كشمير په اړه يې خپل بيان جاري كړی۔ده ووئيل او آئي سي او د ملګرو ملتونو عمومي سېكتر د وړاندې د كشمير په اړه خپل بيانونه جاري كړي۔ده ووئيل د وړاندې نه حكومت اعلان كړی چې پاكستان به د اپرېل پھ 6مه نېټھ خپلو كشميريانو وروڼو خوائېندو سره د يو والي څرګندونې ورځ لمانځي۔ده ووئيل كشميري اولس ته به دا باور وركول وي چې د كشمير مسئله به د كشميري اولس د هيلو او د ملګرو ملتونو د قراردادونو له مخې حل كولې شي۔د يوې پوښتنې په ځواب كښې ده ووئيل د هند د غېر ذمه واره رويې او ضد له امله هغه سره خبرې نشي كېدې
