اسلام آباد 05 اګست (اے پي پي) وزيراعظم عمران خان په معمولي جرائمو كښې د ېندېوانو كسانو مرستې لپاره په سمدستي توګه لائحه جوړولو او پھ زندانونو كښې د اصلاحاتو په لړ كښې زر تر زره د وړاندېزونو وركولو سپارشتنه كړی او وئېلي يې دي بېلو طبقو لپاره د بېلو قوانينو اطلاق او په زندانونو كښې بااثره خلقو سره ترجيحي سلوك ډېره لويه ناانصافي ده٬د بې وسه او په مالي توګه د كمزورو بنديوانو مرسته نه كول هم ظلم دے۔ده دا خبره د ګل په ورځ د بنديوانو مرستې لپاره د جوړې شوې كمېټۍ د مشرۍ كولو په مهال وكړې۔په غونډه كښې بېرسټر علي ظفر٬د كورنيو چارو سېكتر ميجر(ر)اعظم سليمان خان٬د پنجاب٬سندھ٬خېبرپښتونخوا هوم سېكترانو٬د بلوچستان سپېشل هوم سېكتر او نورو چارواكو ګډون كولو۔وزيراعظم ته د كمېټۍ ضوابطو او تراوسه د پیشرفت په اړه بريفنګ وركړې شو۔كمېټۍ ته په ټول هېواد كښې د هغه ټولو بنديوانو د معلوماتو راجمع كولو سپارښتنه شوې څوك چې د معمولي نوعيت جرائمو په سبب زندانونو كښې پراته دي چې پكښې كم عمره٬مېرمنې او د 70 كلونو نه زيات عمر لرونكي كسان شامل دي۔كمېټي به هغه ټول بنديوان په ګوته كوي څوك چې قانوني يا مالي مرستې ته اړتيا لري۔كمېټي به د داسې كسانو مرستې له طريقه كار وضعه كوي او خپل وړاندېزونه به وركوي دغسې چې بې اثرې كسان او جرمانه نه زغمونكي بنديوان په ګوته كړی شي او د هغوي مرسته وكړی شي۔وزيراعظم غونډې ته ووئيل د بېلو طبقو لپاره د بېلو قوانين نفاذ كه يو خوا لويه ناانصافي ده نو بل خوا دا روېش د ټولنې بنيادي اډانه كمزورې كوي۔ده ووئيل كه يو خوا په زندانونو كښې بنديوانو بې اثرې او په مالي توګه كمزورو كسانو ته معاونت نه وركول ظلم دے نو بل خوا د اثر لرونكو كسانو په زندانونو كښې ترجيحاتي سلوك هم بې انصافي ده چې ورسره د قانون عملداري ځپلې كېږي۔ده كمېټۍ ته سپارښتنه وكړه چې په وړو جرائمو كښې بندايوانو كسانو مرستې له زر تر زره تګلاره جوړه كړئ۔ده لا امر وكړو چې په زندانونو كښې اصلاحاتو لپاره وړاندېزونه هم زر تر زره مرتب كړئ
