ابوظهبی۔6جنوری (اے پی پی) د تجارت نګران وفاقي وزير ګوهر اعجاز وئيلي دي پاكستان متحده عرب امارات سره اقتصادي همكارۍ ته وده وركول غواړي٬ متحرك او پياوړي سباؤن لپاره زمونږ شريك وژن د دوه اړخيزه سرمايه كارۍ او تجارتي اقدامات لاره هواروي۔ د خالي په ورځ د جاري شوي پرېس ريليز له مخې ده دا خبره د متحده عرب امارات د تجارت وزير ډاكټر تهاني احمد الزيودي سره ملاقات كښې وكړه۔ د ملاقات په مهال دوه اړخيزه تجارتي حجم زياتولو سره سره د پاكستان د سروس او لاجسټكس په څانګو كښې د متحده عرب امارات سرمايه كارۍ لپاره د موقعو تعين كولو پلو پام وګرځولے شو په كومو كښې چې د بندر ځايونو جوړولو ٬ د لاجسټكس مركزونو ٬ د هوائي مېدانونو آسانيو ٬ شپنګ او د كارګو خذمات پراخا كولو او د دې كاركردګي زياتولو له په عصري ټېكنالوجۍ كښې د سرمايه كارۍ په څير څانګو احاطه وكړې شوه۔ دواړو وزيرانو سرمايه كارو لپاره د غوره چاپېريال رامخې ته كولو عزم تكرار كړو۔ دوئي په دې څانګو كښې د همكارۍ د بلها امكاناتو اعتراف وكړو چې ورسره به تجارت وده وكړي او د روزګار موقعې به هم رامخې ته شي۔ په دې موقعه خپل خطاب كښې ګوهر اعجاز ووئيل مونږ متحده عرب امارات سره اقتصادي همكارۍ ته وده وركول غواړؤ ٬ متحرك او پياوړي سباؤن لپاره زمونږ شريك وژن د دوه اړخيزه سرمايه كارۍ او تجارتي اقدامات لاره هواروي۔ دا ملاقات په پاك امارات همكارۍ كښې مهم پېش رفت په ګوته كوي۔ د دواړو هېوادونو مقصد د انفراسټرکچر، عصري ټېكنالوجيز او خذماتو په څانګو كښې سرمايه كارۍ ته ترجيح وركولو سره تلپاتې پرمختګ ترلاسه كول او په نړيواله منډۍ كښې خپل معيشت پياوړے كول دي۔
