اسلام آباد 09 اګست (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئېلي دي وفاقي كابينې د شخړيز كشمير په حقله د پارليمان د قرارداد او د قامي سلامتيا كمېټۍ د پريكړو توثيق كړے ٬د كشميريانو سره د يو والي په څرګندونه د كشمير په مسئله پاكستان په خپل مؤقف ولاړ دے٬په كوم هم صورتحال كښې به د خپل مؤقف نه په شا نشو٬وفاقي كابينې د هېواد ښېګړی٬دفاع٬د كشمير مسئله په سفارتي ډګرونو د ټولو سټېك هولډرز سره په مشاورت څرګندولو له د وزيراعظم په مشرتابه د باور څرګندونه وكړه ٬د كشمير په حقله د ملګرو ملتونو د عمومي سېكتر د بيان هم هركلے٬وزيراعظم د احساس پروګرام ترمخه د غريبو او پسمانده طبقو لپاره د لسو اقداماتو ٬ د ماډل ټهېلې د لارې د معياري خوراك او كلتور ودې له د ګامونو هم منظوري وركړې ده ٬د احساس پروګرام ترمخه د مېرمنو خپلواكه جوړولو د مزدورانو او ديهاړي مارو طبقو راپورته كولو او په كلي والو سيمو كښې د صفا پخلي طريقه كار معرفي كولو له د ګامونو پورته كولو سره د ضلعې او تحصيل په كچه د لنګر پروګرام پېل كولو هم پريكړه شوې ده ٬د ورځپاڼو خرڅونكو پھ احساس پروګرام كښې د شاملولو او د كركټر سټركچر بدلولو هم منظوري وركړی شوه٬دغسې كراچۍ كښې د صفائۍ كمپائن په حقله د اېف ډبليو او په سپارلو ذمه وارو ترسره كولو د اطمينان څرګندونه او د قام دغه زامنو له د ايوارډ وركولو پريكړه وشوه٬كابينې د اېن ډي اېم اے چيئرمېن له د ايرا اضافي چارج وركولو او د دوهم چيئرمېن ايرا اړوندې ذمه وارۍ او د چارو سپارلو منظوري هم وركړې ده ۔۔دې دا خبره د جمعې په ورځ پي آئي ډي كښې د وفاقي كابينې غونډې نه وروستو پرېس بريفنګ كښې كړی۔ډاكټر فردوس عاشق اعوان ووئيل كابينې د دې خبرې پخلې وكړو چې د پاكستان د قامي بيانيې او د تش لاسو كشميريانو د غږ عكاسي د ملګرو ملتونو د عمومي سېكتر د بيان نه شوې۔كابينې د وزيراعظم وژن او بصيرت ته پیرزوئنې وړاندې كړې د كومو په سوب چې د ملګرو ملتونو د عمومي سېكتر بيانيه رامخې ته شوې۔ دې ووئېل كابينې د وزيراعظم په قيادت باور ښكاره كړو او په سياسي سفارتي ډګر د ټولو سټېك هولډرز سره مشاورت لپاره چې هغه كومه هم تګلاره خپلوي كابينه به يې ملګرتيا كوي۔دې ووئيل د وزيراعظم د اړخه چې د مقبوضه كشمير په حقله د هندي حكومت اوسني اقدام جاج اخستلو له وړاندېزونو لپاره كومه كمېټي جوړه كړی شوې د هغې د پراختيا پريكړه شوې چې پكښې به د مخالفې ډلې او د جماعت اسلامي مشر سراج الحق هم شاملولو له بلنه وركولې شي دغسې د آزاد جمو كشمير اولس مشر او وزيراعظم سره به د ګلګت بلتستان ګورنر هم په كمېټۍ كښې شاملولې شي۔ دې ووئېل وزيراعظم د كابينې غړو ته سپارښتنه وكړه چې د آزادۍ په ورځ د كشميريانو وروڼو سره د بشپړه يو والي څرګندونه وكړئ۔وزيراعظم وئيلې دي د شخړيز كشمير بې ګناه اولس د هندي هېټلر د عزائمو ښكار دے٬د هندي حكومت اوسنې اقدام د آر اېس اېس فلسفه څرګنده كړې۔ده ووئيل د هند ناوړه ارادې به په هر ډول بې نقابه كولې شي۔خاص مرستيالې ووئيل كابينې 40 كاله پس د كركټ بورډ لپاره د اصلاحات منظوري وركړی٬په كراچۍ٬لاهور٬ملتان٬پېښور كښې د لوړو ودانو جوړولو لپاره د سول ايوي اېشن ډويژن اېن او سي ضروري وي په دې حقله سرمايه كارو ته آسانۍ وركولو له سول ايوي اېشن ډويژن ته د خاص ګامونو سپارښتنه شوې۔ خاص مرستيالې د غونډې په حقله ووئيل وزيراعظم د كابينې غړو ته سپارښتنه كړی چې د اولس ښېګړی لپاره د نورو ګامونو پورته كولو سره د عملدرآمد راپور زر تر زره وړاندې كړئ او په اسلام آباد كښې د معذورو كسانو لپاره خاص بسونه چلول پیل كړئ دغسې كابينې د فېډرل انسټي ټيوټ حېدر آباد په لړ كښې د قانون سازۍ منظوري هم وركړې او د نېشنل فرټلائزر كارپورېشن د اېم ډي اخوا كولو منظوري هم وركړې شوې۔ډاكټر فردوس عاشق اعوان ووئيل د اولس آسانيو لپاره كابينې ته ووئيل شول چې په ټول هېواد كښې د بېنظير انكم سپورټ پروګرام 385 تحصيل دفترونه او د بېت المال 155 دفترونه په ډيجيټل حب بدل كړئ چې پكښې د اي لرننګ موادو او د ګورنمنټ آن لائن ريسورسسز ته رسائي وركړی شي ٬ دې ووئېل دغسې كابينې د يونيورسټي آف انجينئرنګ اينډ امرجنګ ټېكنالوجي د چارټر هم منظوري وركړه او د ندا رضوان د اېم ډي نېشنل انرجي آفيشينسي اينډ كنزروېشن اتهارټي د لګولو هم منظوري وركړې شوې ٬ دې ووئېل كابينې د پائيداره پرمختګ اهداف لپاره د بېلو پروژو په عملدرآمد او په كار كښې د ضروري بدلونونو اجازه وركړې ۔دې ووئيل كابينې سيد انتخاب عالم له د اېم ډي پي ټي ډي سي درېو مياشتو لپاره د عبوري چارج منظوري هم وركړه دغسې د عامر خان كمشنر اېس سي اي پي سېكورټي ايكسچنج كمېشن آف پاكستان او د اېس مسعود اے نقوي د پالېسي بورډ چيئرمېن لګولو هم منظوري وركړې ده ۔دې ووئيل وزيراعظم عمران خان وفاقي كابينه د كشمير مسئلې په لړ كښې د منطقې صورتحال څخه خبر كړه۔كابينې ته ووئيل شول د پارليماني قرارداد په تناظر كښې بېل فوكل ډلې جوړې كړی شوي۔دې ووئيل هند په كشمير كښې په اولس ترهه ګري كوي٬د كشمير كاز په اړه پاكستان په خپل دريځ ولاړ دے۔پاكستان به په يو صورت هم خپل دريځ كښې لچك نه راولي۔دې ووئيل د وزيراعظم په منطقه كښې د امن بيانيه ټولې نړۍ ستائېلې۔٬ټولې نړۍ په وزيراعظم عمران خان د باور څرګندونه كړې۔دې ووئيل د هېواد ښه والې٬سلامتيا او دفاع د موجوده حكومت ترجيح ده۔ډاكټر فردوس عاشق اعوان ووئيل وفاقي كابينې په كراچۍ كښې د صفائۍ صورتحال هم جاج واخست۔وزيراعظم د كراچۍ په صفائۍ كښې اېف ډبليو ته مركزي كردار ورپغاړه كړی وو۔خاص مرستيالې ووئيل وزيراعظم ټولو وزارتونو ته عام كس ته د رېليف وركولو لپاره تجاويز د كابينې غونډه كښې ته د وړاندې كولو هدايت كړی۔دې ووئيل د وسائل غېر منصفانه وېش د بنيادي مسئلو سوب دے٬مېرمنې خپلواكه جوړولو لپاره حكومت خاص اقدامات كوي ٬ دې ووئېل د وزيراعظم په هدايت په رېلوے سټېشنز مېرمنو لپاره خاص مېكنزم جوړ كړی٬ځوانانو او خواري كښو ته به خاص مراعات وركولې شي۔
