اسلام آباد – 19 – ڊسمبر (اي پي پي) نگران وزيراعظم انوارالحق ڪاڪڙ بلوچستان جي چيف سيڪريٽري کي صوبي ۾ زرعي ٽيوب ويلز جي لاءِ بجلي جي فراهمي يقيني بڻائڻ جي هدايت ڪندي چيو آهي ته آبادگارن جي ڀلائي رياست جي اولين ترجيحن مان هڪ آهي. وزيراعظم آفيس جي ميڊيا ونگ پاران جاري بيان موجب نگران وزيراعظم انوارالحق ڪاڪڙ سان بلوچستان جي زميندار ايڪشن ڪميٽي جي وفد ملاقات ڪئي. وفد نگران وزيراعظم کي بلوچستان ۾ زرعي شعبي جي مسئلن ۽ صوبي ۾ بجلي جي لوڊشيڊنگ جي مسئلي جي حوالي سان آگاهه ڪيو. نگران وزيراعظم چيف سيڪريٽري بلوچستان کي صوبي ۾ زرعي ٽيوب ويلز جي لاءِ بجلي جي فراهمي يقيني بڻائڻ جي هدايت ڪئي. نگران وزيراعظم صوبائي انتظاميا کي بجلي جي فراهمي، آبپاشي ۽ آبادگارن جا ٻيا مسئلا حل ڪرڻ جي پڻ هدايت ڪئي. نگران وزيراعظم چيو ته آبادگارن جي ڀلائي رياست جي اولين ترجيحن مان هڪ آهي.
