اسلام آباد 09جنوری(اے پی پی) نګران وزيراعظم انوار الحق كاكړ د افريقې او آسيائي هېوادونو سره په تجارتي او اقتصادي روابطو زياتولو او په غزه كښې د تشدد خاتمې او په فلسطين كښې د تل پاتې امن لپاره د اجتماعي هڅو د تندولو په ضرورت زور راوړے ۔د نهې په ورځ د وزيراعظم آفس مېډيا ونګ لخوا جاري شوي بيان له مخې وزيراعظم انوار الحق كاكړ سره د افريقې او آسيائي هېوادونو سفيرانو يوې ډلې د ماسپخښين په مېلمستياﺀ ملاقات وكړو۔د ملاقات په مهال د الجزائر او سوډان سفيرانو سره سره د بنګله دېش٬برونائي٬ملائېشيا٬ماريش او سوئېلي افريقې هائي كمشنران هم موجود وو او د ايتهوپيا٬انډونېزيا٬كينيا٬نائيجېريا٬صوماليه٬تيونس او زمبابوے ناظم الامور هم په دې موقع موجود وو۔وزيراعظم د افريقې سره د پاكستان اړيكو په اهميت رڼا واچوله۔ده د افريائې هېوادونو سره په دوه اړخيزه او سيمه ايز كچه اړيكې لا قوي كولو له خوښي څرګنده كړه۔وزيراعظم د پاكستان او افريقې ترمينځه د تېرو كلونو په مهال د ښو سياسي اړيكو اعتراف كولو سره تجارتي او اقتصادي روابط لا زياتولو په ضرورت زور راوړے۔ده ووئيل د پاكستان څلورم افريقه تجارتي كنفرنس د مصر په قاهره ښار كښې د 9 نه تر 11 جنورۍ 2024 روان دے چې پكښې د پاكستان نمائندګي د تجارت وزير په مشرۍ كښې يو لوئې تجارتي پلاوې كوي۔ده د سوئېلي ختيز آسيائي هېوادونو په خاص توګه برونائي٬انډونېزيا او ملائېشيا سره د پاكستان تاريكې اړيكې هم وستائېلې۔ده ووئيل پاكستان دې مهمو هېوادونو سره دوه اړخيزه تجارتي اړيكې لا پراخه كولو له خوښي لري او آسيان سره د پاكستان مصروفيات قوي كولو له هغوي سره د مرستې هم خوښي لري۔په غزه كښې د جاري صورتحال ذكر كولو سره وزيراعظم د قامونو ترمينځه د خبرو اترو كولو او د تشدد خاتمې او په فلسطين كښې تل پاتې امن لپاره د اجتماعي هڅو تندولو په ضرورت هم زور راوړو۔دغسې وزيراعظم د پاكستان اړوندو هېوادونو سره د قوي اړيكو جوړولو په هڅو د سفيرانو ستائنه وكړه۔سفيرانو هغه سره د خبرو اترو لپاره په وخت ويستلو د وزيراعظم مننه وكړه او وې وئېل مونږ به د دوه اړخيزه اړيكو زياتولو لپاره د پاكستان سره په ګډه كار كوو
