تحمل،زغم ، ايثار او قربانۍ او محنت سره به خپل اهداف ترلاسه كوو، د اېف بي آر د ډيجيټلائزېشن عمل روان دے ، وخت ضائع کولو نه غير به لا ښه والې پلو مخ په وړاندې تلل وي۔د وزيراعظم محمد شهباز شريف د اېف بي آر دورې په موقع خطاب

اسلام آباد 13 جولائي (اے پي پي) وزيراعظم محمد شهباز شريف وئيلي دي د ټيکس په څانګه كښې دې داسې نظام وضع کړې شي چې ورسره ټولې كمزرۍ لري كرې شي، سوداګر او کاروباري كسان دې د ټيکس په چارو كښې بے ځايه تنګ نه كړې شي، اېف بي آر ته چې د قامي ګټو په اړه څه هم پكار وي حکومت به ئې وركوي ، ذاتي خوښۍ نه خوښۍ څخه ځانله دې قامي ګټې مقدم وساتلے شي، معيشت به مستحکمول وي، تحمل،زغم ، ايثار او قربانۍ او محنت سره به خپل اهداف ترلاسه كوو، د اېف بي آر د ډيجيټلائزېشن عمل روان دے ، وخت ضائع کولو نه غير به لا ښه والې پلو مخ په وړاندې تلل وي۔ وزيراعظم محمد شهباز شريف د دې خيالاتو څرګندونه د خالي په ورځ فيډرل بورډ آف ريونيو (اېف بي آر) دورې په موقع د غونډي مشري كولو سره وكړه۔ده د آئي اېم اېف سره د سټاف ليول په لوظنامه د خزاني وفاقي وزير ، د قانون وفاقي وزير ، د خزانې وزير مملکت ، د خزانې سيکرټري او اېف بي آر ډلې پشمول د اړوندو چارواكو ستائلو سره ووئيل چې ټولې ډلې د پروګرام لپاره په زړه پورې محنت كړې۔ده ووئيل د ډھانچه جاتي اصلاحات نه غير ممکن نه ده چې د معاشي ترقۍ اهداف ترلاسه شي۔ وزيراعظم ووئيل مونږ له به معيشت مستحکمول وي، د معيشت مائيکرو اشاري به سمول وي كوم لپاره چې مشکل مزل ته اړتيا ده۔ده ووئيل تحمل،زغم ، ايثار او قربانۍ او محنت سره به مونږ له خپل اهداف ترلاسه كول وي د كوم نه غير چې د ترقۍ دا مزل نه شي بشپړيدلے۔ ده ووئيل په سټاف ليول لوظنامه شوې او آئي اېم اېف بورډ به د هغې منظوري وركړي۔ده ووئيل دا اوس زمونږ ذمه واري ده چې چې مونږ په دې كار پيل كړو،اوس وخت راغلے چې زر تر زره اقدامات باوري كړو بيا به مونږ دا پروګرام د آئي اېم اېف آخري پروګرام جوړ كړې شو۔ وزيراعظم ووئيل هېواد كښې د ترقۍ او سوكالۍ نوې دور پيل شوې۔ده ووئيل قام له باور وركوم چې د لوے څښتن په فضل وکرم ، اجتماعي او افرادي هڅو سره به ان شا الله پاکستان يو عظيم ، خوشحاله او د احترام وړ هېواد جوړولې شي۔ده ووئيل كه مونږ د پاکستان قرضې ختموو نو د د آئي اېم اېف دا پروګرام به آخري پروګرام ګڼل وي او دا به باوري كولې شي جې دا به آخري پروګرام وي۔ده ووئيل څوك چې ټيكس وركوي او څوك چې ټيکس نادهنده دي د هغوې په اړه به مونږ له خپل سوچ بدلول وي او عام وګړے كوم چې ټيكس وركوي هغه له به مراعات وركول وي۔ده ووئيل كه د ټيكې وركولو صلاحيت لرونكو څخه ټيکس وصول نه كړې شي نو هېواد به پرمختګ نه كوي او د عام وګړي د سوكالۍ او پرمختګ لپاره به وسائل نه وي۔ ده وئويل عام وګړي له ريليف وركولو لپاره به ټوله تګلاره بدلول وي۔ده ووئيل ټيکس محصولات كښې اضافې لپاره د نړغ د نورو هېوادونو په شان پاليسي به جوړول وي۔ده ووئيل دا د مصنوعي ذهانت دور دې او د دې د لارې مونږ څه هم ناممكن نه دي۔ وزيراعظم محمد شهباز شريف ووئيل كله چې زه اورم چې نړيوال بانك ، جائيکا وغيره ته ليكلې چې مونږ له به دا فنډ راكوي نو ما ته ډير تكليف رسيږي۔ده وئويل دې څخه به ځان خلاصول وي، دغسې چې كوچنو كوچنو څيزونو لپاره مونږ مالياتي ادارو پلو نه ځو۔ده ووئيل قامي او اولسې ګټو لپاره به اېف بي آر له د ټيكس محصولات ته وده وركول وي او حكومت به په دې اړه په زړه پورې مرسته كوي۔ده ووئيل د قامي ګټو تحفظ زمونږ ذمه واري ده۔ده ووئيل اېف بي آر په اربونو ٬ کھربونو روپغ محصولات راجمع كوي خو د يو څو اربه روپو لپاره مونږ له ورلډ بينك او نورو مالياتي ادارو ته تلل وي۔ده ووئيل قاممونه داسې نه جوړيږي۔ده ووئيل نړيوالو مالياتي ادارو ته هغه وخت تلل پكار وي كله چې مجبوري وي،چرته چې 8 ٬ 10 اربه روپۍ خرڅ كولو سره په كهربونو روپۍ ګټلې كيدې شي نو بايد مونږ هغې ته ترجيح وكړو۔ وزيراعظم ووئيل د ترجيحات د تعين وخت راغلے،مونږ له به بشپړه تيارۍ سره د قام خذمت لپاره خپل وخت وقف کول وي۔ده ووئيل اېف بي آر كښې چې كوم اصلاحات او بدلون راوستلې كېږي د هغې مقصد ټيکس نادهندګانو څخه د ټيکس وصولي او ټيکس وركونكو له مراعات وركول دي۔ ده ووئيل تير مالي كال په مهال د اېف بي آر محصولات كښې 30 فيصده اضافه د ستائنې وړ ده خو په ټيکس نادهندګانو د ټيکس لګول ضروري دي دغسې چې قام ته ووئيل شوې چې دا هغه څانګه ده ټيكس به ئې نه وركولو۔ده ووئيل په كال 1997 كښې په پنجاب كښې په وړومبي ځل زرعي ټيکس مونږ لګولې ؤ ،تر 12 ايکړه كروندګرو ته د ټيکس رعايت ترلاسه وو۔ده ووئيل 27 كاله پس تر اوسه په دې اړه كوم پيشرفت نه دې شوې۔ وزيراعظم ووئيل محصولات زياتولو له ټيکس نادهندګانو ،برېښنا غلو او په نورو صارفينو د ټيكس لګول د مسئلې حل نه دې۔ ده ووئيل د ټيكس په اړه د صوبو سره به مشاورت کولې شي۔ده ووئيل كه په زړه كښې جذبه وي او د هېواد د خذمت حوصله وي نو لوے څښتن به په خپل خاص کرم او فضل سره چارې آسانوي۔ده ووئيل روان كال لپاره د ټيکس محصولات هدف په خپل ځائې خو كوم هم سرمايه کار او سوداګر دې بے ځايه تنګ نه كړې شي ، د انفورسټمنټ په نامه د تنګولو اجازه به چرې نه شي وركولې۔ده ووئيل ټيکس دهندګانو له سهولت او عزت دې وركړې شي۔ده ووئيل كه تاسو په ايماندارۍ سره كار وكړئ نو تاسو ته به هم مراعات ترلاسه وي۔وزيراعظم وئويل د مراعات پاليسي به راوړل وي۔ده ووئيل اېف بي آر كښې تر ټولو جديد سسټم به لګولې شي او ټول قام ته به ښودلې شي چې كله نيت او ارادې سمې وي او پريكړې وشي نو لوے ھښتن هم مرسته كوي۔په غونډه كښې وفاقي وزيرانو احد خان چيمه ، محمد اورنګزيب ، اعظم نذير تارړ، وزير مملکت علي پرويز ملك ،د پلاننګ کمېشن ډپټي چيئرمېن جهانزيب خان ، د اېف بي آر چئيرمېن ملك امجد زبير ټوانه ، د اېف بي آر او نورو اړوندو ادارو افسرانو هم ګډون وكړو۔