اسلام آباد-12 فيبروري (اي پي پي) مردان ۾ سيڪيورٽي فورسز جي آپريشن دوران 2 دهشتگرد مارجي ويا. آءِ ايس پي آر موجب سيڪيورٽي فورسز مردان ۾ دهشتگردن جي موجودگيءَ جي اطلاع تي انفارميشن بيسڊ آپريشن ڪيو. آپريشن دوران 2 دهشتگرد مارجي ويا. مارجي ويل دهشتگردن جي قبضي مان هٿيار ۽ بارود هٿ آيو. هي دهشتگرد ان علائقي ۾ دهشتگردي جي سرگرمين ۾ ملوث هئا. علائقي ۾ ڪنهن به دهشتگرد جي خاتمي لاءِ سينيٽائيزيشن آپريشن جاري آهي. مقامي ماڻهن دهشتگردن خلاف آپريشن کي ساراهيندي دهشتگرديءَ جي مڪمل خاتمي لاءِ سيڪيورٽي فورسز سان مڪمل سهڪار جو عزم ورجايو.
