اسلام آباد-12 فيبروري (اي پي پي) اليڪشن ڪميشن اين اي 253 ۽ پي بي 9 ڪوهلو جي 7 پولنگ اسٽيشنن تي جتي امن امان جي صورتحال خراب هئڻ سبب پولنگ نه ٿي هئي، ٻيهر پولنگ ڪرائڻ جو نوٽيفڪيشن جاري ڪري ڇڏيو آهي. اليڪشن ڪميشن جي ترجمان طرفان جاري ڪيل بيان مطابق هاڻ انهن پولنگ اسٽيشنن تي پولنگ 16 فيبروري تي ٿيندي. ان سلسلي ۾ چيف سيڪريٽري بلوچستان، آءِ جي بلوچستان ۽ ٻين قانون لاڳو ڪندڙ ادارن کي ضروري هدايتون جاري ڪيون ويون آهن.
