اسلام آباد۔14جولائی(اے پی پی)وزیر خارجہ مخدوم شاہ محمود قریشی آکھیے جو افغان تنازعہ دا سیاسی تصفیہ افغانستان اتے خطے سے ملکاں کیتے چنڳاں فیدہ ݙیسی، مسلے دی حل نال خطے کوں ترقی ݙیوݨ اتے ہک ٻئے نال جوڑݨ اچ مدد ملیس، دہشت گرد نیٹ ورکس دا ودھݨ، انتہاءپسند، منشیات مافیا اتے سمگلنگ خطے اچ امن و سلامتی دی راہ اچ رکاوٹ اے، پاکستان خطے اچ امن کیتے کوششاں جاری رکھیسی۔ اے ڳالھ انہاں دوشنبے اچ شنگھائی تعاون تنظیم(ایس۔سی۔او) دے افغانستان تے رابطہ گروپ دے اجلاس نال خطاب کریندے آکھی۔ انہاں آکھیا جو دوشنبے اچ ’ہارٹ آف ایشیا۔استنبول پراسیس‘ دے فریم ورک اچ اساں جامع ”امن وترقی کیتے اتفاق رائے سانڳے دوشنبہ اعلامیہ“ منظور کیتا ہا جیندے بعد حالات ٻہوں بدلین، جیکر افغان فریقین جنڳ جاری رکھی تاں ٻیا حلات خراب تھیسن، معاشی مسلے اٹھسن اتے افغان مہاجرین دا مسلہ سر چیسی، دہشتگردی ولا آسی ایندے کتیے ساکوں مل تے کوششاں کرݨیاں وہسن جو اینڄھے حالات نہ ݙیکھݨے پوون، خطے اچ امن دے ہکو سویں مقصد کیتے ساݙی منزل ہکا اے جو خوشحالی، معاشی ترقی اتے روابط ودھن۔
